न्युरोडबाट नगर प्रहरी फर्कियो, सडक धमाधम पिच हुँदै

२१ जेठ । न्युरोडमा काठमाडौँ महानगरले काटेको सडक सोमबार दिउँसो सडक डिभिजन कार्यालयले धमाधम कालोपत्रे गरिरहेको छ। डिभिजनले सडक कालोपत्रे थालेपछि महानगर प्रहरी पनि न्युरोड पुगेको थियो।

महानगर प्रहरी पुगेपछि भएको तनावकाबीच अहिले विभागले कालोपत्रेको काम गरिरहेको छ। कालोपत्रे गर्दैगर्दा स्थानीय र महानगर प्रहरीबीच केहीबेर तनाव भएको थियो। लगत्तै नेपाल प्रहरी पनि न्युरोड पुगेको थियो। नेपाल प्रहरी पुगेपछि नगर प्रहरीसँग केहीबेर वार्ता भयो। अहिले नगर प्रहरी त्यहाँबाट फर्किएको छ। अवरोधकैबीच सडक विभागका कर्मचारीहरूले न्युरोडमा सडक पिचको काम अघि बढाएका छन्।