चलचित्र ‘जेरी अन टप’ मा अनमोलसँगै आँचल पनि अनुबन्धित

काठमाडौँ
२६ जेठ । चलचित्र ‘जेरी अन टप’ मा अभिनेता अनमोल केसीसँगै आँचल शर्मा पनि अनुबन्धित भइकी छिन् ।

चलचित्र ‘फर्की फर्की’ को सफलतापछि अभिनेता अनमोल केसी अर्को चलचित्र ‘जेरी अन टप’ को तयारीमा जुटिसकेका छन् ।

यही जेठ अन्तिमबाट छायांकन गर्न लागिएको चलचित्रमा उनको जोडी अभिनेत्री आना शर्मासँग बाँधिने निश्चित भइसकेको छ । यसैबीच, चलचित्रमा अर्की अभिनेत्री आँचल शर्माको पनि इन्ट्री भएको छ ।

चलचित्रका निर्माता सरोज न्यौपानेले फेसबुकमा स्टाटस लेख्दै आँचलको चलचित्रमा इन्ट्री भएको घोषणा गरेका हुन् । उनले नाम उल्लेख नगरेपनि आँचलको तस्बीरसहितको स्ट्याटसबाट यो जानकारी दिएका छन् ।

आँचलका आगामी दिनमा पिताम्बर’, ‘रानीमहल’, ‘दुःखी आत्मा’ जस्ता चलचित्र आउदै छन् ।

सन् २०१४ मा प्रदर्शनमा आएको सफल चलचित्र ‘जेरी’को दोस्रो सिरिजको रुपमा निर्माण हुन लागेको यस चलचित्रलाई नेपाल र अष्ट्रेलियामा छायांकन गरिने बताइएको छ । चलचित्रलाई आउदो तिहारमा प्रदर्शन गरिने बताइएको छ ।