१ असार । काठमाडौं उपत्यकाको तापक्रम शनिबार यस वर्षअन्तर्गत अहिलेसम्मकै उच्च बिन्दुमा पुगेको छ। मौसम पूर्वानुमान महाशाखाका अनुसार आज काठमाडौं उपत्यकाको अधिकतम तापक्रम ३५.३ डिग्री सेल्सियसमा उक्लिएको हो।
आज दिउँसो काठमाडौं उपत्यकामा वर्षा हुने अनुमान गरिएको थियो, तर वर्षा हुन नसक्दा तापक्रम बढेको हाे ।
यसअघि यो वर्षअन्तर्गत काठमाडौं उपत्यकाको हालसम्मको सबैभन्दा बढी तापक्रम ३४.४ डिग्री सेल्सियस थियो।
जुन तापक्रम गत जेठ २८, १७ र जेठ ११ गते गरी तीनपटक देखिएको थियो। आज (असार १ गते) त्यो रेकर्ड पनि ब्रेक भएको हो।
महाशाखाका अनुसार आज काठमाडौं उपत्यकाको न्यूनतम तापक्रम भने २२.५ डिग्री सेल्सियस छ।
काठमाडौं उपत्यकामा यस वर्षअन्तर्गत अहिलेसम्मकै बढी न्यूनतम तापक्रम भने शुक्रबार २३ डिग्री सेल्सियस पुगेको थियो।
प्रतिक्रिया