काठमाडौं नागार्जुन कल्भर्टको बाढीले कार बगायो, चालकको मृत्यु

१४ असार । काठमाडौं नागार्जुनमा बाढीले कार बगाउँदा चालकको मृत्यु भएको छ। नागार्जुन–६ रामकोटस्थित छमछमे खोलाको कल्भर्टले आज बिहान कार बगाएको हो।

कल्भर्टमा आएको बाढीले शुक्रबार राति साढे २ बजे बा.प्र. ०२७ च ०४९१ नम्बरको निशान कार बगाएर सडकबाट तल झार्दा चालकको मृत्यु भएको प्रहरीले जनाएको छ।

दुर्घटनामा कारका चालक नागार्जुन नगरपालिका ६ खरिबोटका ४० वर्षीय पूर्ण दर्नालको मृत्यु भएको छ । दुर्घटनामा गम्भीर घाइते भएका दर्नाललाई उपचारका लागि प्रहरीले मनमोहन मेमोरियल अस्पताल पुर्याएको थियो। उपचारकै क्रममा आज बिहान पौने ६ बजे उनको मृत्यु भएको हो ।