ललितपुर सास्कृतिक तथा व्यापार महोत्सव सुरु, हरेक दिन कलाकारको प्रस्तुती निःशुल्क हेर्न पाइने

ललितखबर
११ साउन । ललितपुरको धापाखेलमा आजबाट ललितपुर साँस्कृतिक तथा व्यापार महोत्सव सुरु भएको छ । ललितपुर महानगरपालिका २३ स्थित जेम्स स्कूल अगाडि आजबाट सुरु भएको महोत्सव साउन २६ गतेसम्म चल्नेछ ।
महोत्सवका व्यवस्थापक दिपक दाहालका अनुसार वागमती प्रदेसका श्रम रोजगार तथा यातयातमन्त्री प्रेमभक्त महर्जनले अपरान्ह महोत्सवको शुभारम्भ गर्ने कार्यक्रम छ ।
व्यस्थापक दाहालका अनुसार मेलामा वालवालिकाहरुका लागि चिल्ड्रेन पार्क निर्माण गरिएको छ । यहाँ रोटेपिङ, ड्राइगन रेल,डुंगालगायतमा वालवालिका मनोरञ्जन लिन सक्नेछन् ।
स्थानीय महिलाहरुले निर्माण गरेको हस्तकलाको सामाग्रीको प्रर्दशनी अगाँनिक उत्पादनको बिक्रि वितरणसँगै मेलामा हरेक दिन स्थानीय तथा राष्ट्रिय कलाकारहरुले विशेष प्रस्तुती दिने कार्यक्रम रहेको छ ।
मेलामा विशेष ४ दिन बाहेक अन्य दिन निशुल्क प्रवेश गर्न साइने व्यवस्थापक दाहालले बताए । उनले भने, ‘यस्ता मेलामा निःशुल्क प्रवेश गर्ने व्यवस्था अरु ठाँउमा हुँदैन । हामीले स्थानीय संस्कृती र उत्पादनको प्रचार र प्रोत्साहन गर्न निशुल्क प्रवेशको व्यवस्था गरेका छौं । साउन १८,१९२५ र २६ गते विषेश प्रस्तुती रहनेछ ।’
मेलाका लागि सबै तयारी पुरा भएको मेला व्यवस्थापक अरविन्द्र जैसवालले बताएका छन् । महोत्सव स्थल बिजुली बत्तीले झिलिमिलि बनाइएको उनले जानकारी दिए । मेलामा १ सयभन्दा धेरै स्टल रहेको बताउछन् ।
उनका अनुसार महोत्सवको प्रचारका लागि ललितपुरका विभिन्न स्थानमा स्वागतद्वार निर्माण गरिएको, व्यानरलगायत प्रचार सामाग्री टाँगिएको बताएका छन् ।
मेलाका विशेष सहयोगी सुवास महतका अनुसार कार्यक्रममा धिमेबाजा, लाखेनाचलगायतका विभिन्न सास्स्कृतिक प्रस्तुती समेत रहने जानकारी दिए
उनका अनुसार आज गायिका रिता केसी र गायक रमेश श्रेष्ठ(मेलोडी)को प्रस्तुती रहनेछ ।