डुकुछापकी युवती ग्वार्कोको गेस्ट हाउसमा अचेत अवस्थामा फेला, विएण्डवि अस्पतालमा मृत्यु

११ साउन
काठमाडौं । ललितपुर महानगरपालिका–७ ग्वार्कोमा ललितपुर डुकुछापकी युवती अचेत अवस्थामा फेला परेपछि उपचारका लागि विएण्डवि अस्पतालमा लगिएकोमा उनको मृत्यु भएको छ । गेस्ट हाउसमा सँगै रहेका युवक समेत घाइते फेला परेका थिए । उनको सो अस्पतालमा उपचार भइरहेको छ ।

एक गेस्ट हाउसमा अचेतावस्थामा फेला परेकी उनको उपचारका क्रममा मृत्यु अस्पतालले जानकारी दिएको छ ।

ग्वार्कोस्थित सनलाइट गेष्ट हाउसमा उनीहरु शुक्रबार बिहान अचेत अवस्थामा फेला परेकी थिइन् ।

ललितपुर प्रमुख एसपी नरेशराज सुवेदीका अनुसार उनी गोदावरी नगरपालिका ८ डुकुछाप घर भई पछिल्लो समय सातदोबाटो बस्दै आएका एक युवकसँग बुधबार गेस्ट हाउसमा पुगेकी थिइन् ।

घटनाका सम्बन्धमो थप अनुसन्धान भइरहेको एसपि सुवेदीले जानकारी दिएका छन् । घाइते दुवैको नाम वतन प्रहरीले गोप्य राखेको छ ।