चलचित्र घरज्वाईको दुई हप्ताको व्यापार ४ करोड ६३ लाख

१३ साउन । दुईसाता अघिबाट देशभरका चलचित्र भवनहरुमा प्रर्दशन भइरहेको चलचित्र घरज्वाईंले दुई सातामा ४ करोड ६३ लाख व्यापार गरेको रिर्पोट सार्वजनिक भएको छ । चलचित्र जनक घर्तिमगरका अनुसार विहीबारसम्म देशभरका हलहरुमा चलचित्रले सो व्यापार गरेको हो ।
चलचित्र प्रर्दशनको दुई दिनमै चलचित्रले १ करोड ५१ लाख रूपैयाँ व्यापार गरेको भए पनि त्यसपछिका दिनमा सुस्त व्यापार गरिरहेको छ । पछिल्ला दिनमा बर्षा मौसम भन्दै अन्य निर्माताले चलचित्र प्रर्दशन गरेका छैनन् । यही मौकाको फाइदा उठाउदै चलचित्र निरन्तर प्रर्दशन भइरहेको छ । हल मालिकले नयाँ चलचित्र प्रर्दशन नभएपछि घरज्वाईलाई शो दिइरहेका छन् ।

चलचित्रका निर्माताले मनोरञ्जन कर र मुअकबाहेकको कर दायित्व बाहेक ५० प्रतिशत मात्रै हात पार्छन् । बाँकी ५० प्रतिशत चलचित्र देखाएबापत हलमालिकले लिन्छन् ।

चलचित्रमा अभिनेता दयाहाङ राई र मिरूना मगरले पुर्वी रुकुमको ताक्सेलावरपरको घरज्वाई बस्ने जोडीको भूमिका निभाएका छन् ।
फरक कथाबस्तु र घरज्वाईको भूमिका र कथाबस्तुमा आम दर्शकको चासोका कारण दर्शकले निरन्तर चलचित्र हेरिरहेका छन् ।
डेव्यु निर्देशक अनिल बुढा मगर रहेको यस चलचित्रमा अभिनेता दयाहाङ राई र अभिनेत्री मिरुना मगरसँगै बुद्धि तामाङ, पुष्कर गुरूङ, शिशिर बाङ्देल, राज थापा मगर, भोलाराज सापकोटा, खड्कबहादुर पुन (खबपु), राज थापा, कविता आले मगर, अनु थापा लगायतको अभिनय छ।