दक्षिणकालीको चाल्नाखेलमा एक गाडीको ठक्करपछि दुई युवतीको मृत्यु

१९ साउन । दक्षिणकालीको चाल्नाखेलमा एक गाडीको ठक्करपछि दुई युवतीको मृत्यु भएको छ ।
प्रहरीका अनुसार काठमाडौं दक्षिणकाली नगरपालिका–१ चाल्नाखेल भैंसी बजारस्थित सडकमा चाल्नाखेलबाट भैंसीबजारतर्फ जाँदै गरेको बा.१८ च ५३४४ नम्बरको डिआई गाडी शुक्रबार दिउँसो दुर्घटना हुँदा गाडीमा सवार दोलखा गौरीशंकर गाउँपालिका घर भएकी ३५ वर्षीया निर्माला तामाङ र ३२ वर्षीया श्रीमाया तामाङको मृत्यु भएको हो ।
दुर्घटनामा गम्भीर घाइते भएका उनीहरूको कीर्तिपुर अस्पतालमा उपचारको क्रममा मृत्यु भएको थियो ।
साथै दुर्घटनामा घाइते भएका गाडीमा सवार अन्य ३ जनाको अल्का हस्पिटल ललितपुरमा उपचार भइरहेको छ । गाडी चालकलाई प्रहरीले नियन्त्रणमा लिएको जानकारी दिएको छ ।