भट्टेडाँडामा मोटरसाइकलमाथि खस्यो पहिरो, एक जना घाइते

२२ साउन । ललितपुर भट्टेडाँडामा गुडिरहेको मोटरसाइकलमाथि पहिरो खसेको छ । बागमती गाउँपालिका–३ भट्टेडाँडाको टाकुर्चेमा गुडिरहेको मोटरसाइकलमाथि पहिरो खसेको हो ।

मंगलबार बिहान ना ५४ प १६५५ नम्‍बरको मोटरसाइकलमाथि पहिरो खस्दा चालक सलमान अन्सारी घाइते भएका छन् । उनको अवस्था सामान्य छ । मोटरसाइकल पछाडि सवार हेटौंडाका ४६ वर्षीय मुर्तुजा अन्सारीको खुट्टा फ्र्याक्चर भएको छ । उनको बिएण्डबी अस्पताल ग्वार्कोमा उपचार भइरहेको छ ।