काठमाडौं र भक्तपुरमा चोरी

२६ साउन । काठमाडौं र भक्तपुरमा चोरी भएको छ । काठमाडौंको कागेश्वरी मनोहरा नगरपालिका–५ थली गजरकोट हाइट बस्ने सुमित्रा ढुङ्गानाको घरमा कोही नभएको अवस्थामा चोरी भएको हो ।
कोठाबाट विभिन्न सुनका गर–गहना र नगद समेत गरी करिब ३ लाख ४० हजार रुपैयाँ बराबरको धनमाल चोरी भएको प्रहरीले जनाएको छ ।

यसैगरी भक्तपुरको भक्तपुर नगरपालिका–१० कमलबिनायक बस्ने राजेश जरेजुको घरमा कोही नभएको अवस्थामा सुन, चाँदीका विभिन्न गरगहना तथा नगद समेत गरी करिब ४ लाख ९९ हजार रुपैयाँ बराबरको धनमाल शुक्रबार दिउँसो चोरी भएको छ । चोरी गर्ने व्यक्तिहरूको खोजी गर्नुको साथै यस सम्बन्धमा प्रहरीले आवश्यक अनुसन्धान गरिरहेको छ ।