बहुप्रतिक्षित चलचित्र ‘छक्कापञ्जा ५’को सुमधुर गीत ‘बिहे भाको छैन’सार्वजनिक

२८ साउन । बहुप्रतिक्षित चलचित्र ‘छक्कापञ्जा ५’को सुमधुर गीत बिहे भाको छैन म, कुमार पनि हैन म’ सामाजिक सञ्जालमार्फत सार्वजनिक गरिएकोे छ । आइतबार ओएसआर युट्यव च्यानलबाट रोमान्टिक गीत प्रशारणमा आएको हो ।
चलचित्रका अभिनेता दीपकराज गिरी र वर्षा सिवाकोटीको नृत्य रहेको गीतमा उनीहरुको दोहोरो भूमिका झैं एउटै फ्रेममा दुई जोडी रहस्यमय ढंगले देखाइएको छ ।
सार्वजनिक गीतमा अभिनेता दिपकले असजिलो ढंगले शरिर हल्लाएर नृत्य गरेका छन् भने अभिनेत्री बर्षा हलुँगो शरिर बनाएर खुलेर नाचेकी छन् । गीतमा पुरानो शहरलाई रंगीन छाताले सझाइएको छ । रोमान्टिक गीतमा दिपक र बर्षाको केमेष्ट्रि मिलेको छ ।
गीत चाडपर्वमा नाच्न मिल्ने ढंगले दीपक शर्माले संगीत भरेका छन् भने गीत सविन सुवेदी र बेनिशा पौडेलले गाएका छन् ।
गीतमा पुरै शहरलाई भव्य सेटमा परिणत गरिएको छ ।

गीतको सुरु र अन्तमा कलाकार केदार घिमिरे ‘माग्ने बुढा’को न्यारेसन छ । जसले गीतसँगै कथा भनेको भान हुन्छ ।
यही असोज २४ बाट देशभर प्रर्दशनमा आउने चलचित्र छक्का पञ्जा ५ को यसअघि नै दिपक र बर्षा बेहुला र बेहुली र साथमा केदार घिमिरे माग्ने बुढाको रहस्यमय भावमा पोस्टर सार्वजनिक गरिएको थियो ।
चलचित्र अभिनेत्री समेत रहेकी दीपाश्री निरौलाले निर्देशन गरेकी छन् । दिपक र दिपाको छक्का पञ्जाको चौथो सेरिजसम्म बक्सअफिसमा राम्रो व्यापार गरेको थियो ।