काठमाडौ
२ भदौं । रुसमा शक्तिशाली भुकम्पको धक्कापछि ज्वालामुखी विस्फोट भएको छ ।
समाचार संस्थाहरुका अनुसार रुसको पूर्वी तट नजिकै ७ रेक्टरस्केलको भूकम्प गएको हो । रुसी सरकारी संचार माध्यमका अनुसार भूकम्पपछि सिभेलुच नामक ज्वालामुखी पेट्रोपाभ्लोभ्सक–कामचाट्स्कीभन्दा २ सय ८० माइल टाढा ज्वालामुखी पनि विस्फोेट जनाएका छन् ।
सो सहरमा करिब १ लाख ८० हजार मानिसको बसोबास रहेको छ । रुसी सञ्चारमाध्यम टासका अनुसार ज्वालामुखी विस्फोटपछि धुँवा र खरानीको मुस्लो ८ किलोमिटरमाथि आकाशसम्म पुगेको बताइएको छ ।
ज्वालामुखी विस्फोटपछि लाभा पनि निस्किएको समाचारमा उल्लेख छ । भूकम्प र ज्वालामुखीमा परी घाइते वा हताहत भएको विवरण हालसम्म प्राप्त भएको छैन ।
भूकम्पको केन्द्रविन्दु पेट्रोपाभ्लोभ्सक–कामचाट्स्कीभन्दा ५५ माइल टाढा रहेको यूएस जियोलोजिकल सर्भेले जनाएको छ । केन्द्रविन्दु जमनको सतहभन्दा ३० माइल गहिराइमा रहेको छ । भूकम्पपछि सुनामीको खतरा भने जारी गरिएको छैन ।
प्रतिक्रिया