चलचित्र ‘ह्रस्वदीर्घ’को कार्तिक ३० देखि देशभर प्रर्दशन

ललितपुर,चापागाँउ
३ भदौं । चलचित्र ‘ह्रस्वदीर्घ’को कार्तिक ३० देखि देशभर प्रर्दशन हुने भएको छ ।
निर्माण पक्षले रक्षाबन्धनको अवसर पारेर चलचित्र प्रर्दशनको नयाँ मिती सार्वजनिक गरेको छ ।

यही असोज ३ गतेबाट चलचित्र ‘ह्रस्वदीर्घ’को देशभर प्रर्दशन गर्ने घोषणा गरिएको भए पनि पोष्ट प्रोडक्सनको काम नसकिएको भन्दै सो मितीमा चलचित्र प्रर्दशन केही दिनअघि नगर्ने निर्माण पक्षले बताएको थियो ।
चलचित्रको पोष्ट प्रोडक्सनको काम मुम्बईमा भइरहेको र अझ उत्कृष्ट काम गर्न समय अपुग गएपछि प्रर्दशन स्थगित गरिएको
निर्मात्री तथा अभिनेत्री नीता ढुंगानाले फेसबुकबाट जानकारी दिएकी थिइन् ।
नीता ढुंगाना र हरिहर अधिकारीले निर्माण गरेको यस चलचित्रको अभिनेत्री ढुंगानाले यस विषयमा सामाजिक सञ्जालमा लेख्दै थप उत्कृष्ट बनाउन विशेषतः प्राविधिक कामहरू सम्पन्न गर्न थप समय लाग्ने भनि केही समय माग भइआएकोले प्रर्दशन स्थगित गर्नुपर्ने अवस्था आएको उल्येख गरेकी थिइन्।
यस चलचित्रमा भारतीय कलाकारहरुको समेत अभिनय गरेका छन् । चलचित्रका निर्देशक चन्द्र पन्त हुन् भने अभिनेत्री नीतिा ढुंगाना र उनका पति हरिहर अधिकारीको अभिनय हेर्न पाइन्छ ।