काठमाडौं
५ भदौ । भर्खरै काठमाडौं आउने जाने सडक नागढुंगामा पहिरो गएको छ । मुख्य नाकामै पहिरो गएपछि यात्रुलाई राजधानी आउन र जान कठीन भएको छ ।
यहाँ बिहानपख ढुंगामाटो र रुखसहित ठूलो पहिरो खसेपछि राजमार्ग अवरुद्ध भएको हो ।
उपत्यका ट्राफिक प्रहरी महाशाखाका अनुसार नागढुंगाको नाग मन्दिर नजिक ठूलो पहिरो खसेकाले दुईतर्फ नै आउ–जाउ बन्द भएको हो ।
यहाँ बेला–बेला पहिरो झरिरहेको छ । त्यसैले पहिरो पन्छाउन केही घण्टा लाग्ने प्रहरीले जानकारी दिएको छ ।
सडक अवरुद्ध भएपछि धेरै यात्रुहरु अलपत्र परेका छन् ।
धेरै यात्रु राजमार्ग बन्द भएपछि खानीखोला–नागढुङ्गा र सीतापाइला–धार्के सडक हुँदै राजधानी आउने जाने गरिरहेको प्रहरीले जानकारी दिएको छ ।
प्रतिक्रिया