काठमाडौँ
८ भदौं । अक्षय कुमार अभिनीत ’हाउसफुल’ सबैभन्दा लोकप्रिय कमेडी फ्रेन्चाइजी मध्ये एक हो । निर्माताहरु यसको पाँचौं किस्ता ल्याउने तयारीमा छन् र यसको घोषणा पनि भइसकेको छ । यस पटक अक्षय कुमार र रितेश देशमुखसँगै फरदीन खान पनि हुने भएका छन् । तर, यसैबीच, जैकलिन फर्नान्डेज प्रमुख अभिनेत्रीको रुपमा अनुबन्धित भएको बताइएको छ ।
निर्माता साजिद नाडियाडवाला रहेको यस चलचित्रमा अक्षय कुमार, रितेश देशमुख, फरदीन खान र सञ्जय दत्त जस्ता स्टारहरू छन् । स्टारकास्टले फ्रन्चाइजीमा नयाँ उर्जा ल्याउने देखिन्छ ।
३०० करोडको निर्माण बजेट रहेको ’हाउसफुल’ को पाँचौं सिरिज फ्रेन्चाइजीको सबै भन्दा महँगो चलचित्र समेत हुने भएको छ । चलचित्रमा ज्याकलिन अक्षय कुमारको अपोजिटमा देखिने बताइएको छ । ज्याक्लिन हाउसफुलको शुरुका तीन सिरिजमा रहेकी थिइन् भने चौथो सिरिजमा थिइनन् ।
साजिदले अन्य तीन ए–लिस्टर नायिकालाई पनि कास्टमा समावेश गर्न छलफल गरिरहेको र आधिकारिक घोषणा छिट्टै हुने बताइएको छ ।
यस अघि ‘हाउसफुल ५’ यस वर्षको दीपावलीको अवसरमा प्रर्दशन हुने तय भएपनि निर्माताले यसको प्रर्दशन मिति ६ जुन २०२५ सम्म पुर्याएका छन् ।
प्रतिक्रिया