चलचित्र ‘के घर के डेराः घर नम्बर २’ को २५ दिनमै सकियो छायांकन

काठमाडौँ
२३ भदौं । चलचित्र ‘के घर के डेराः घर नम्बर २’को छायांकन पनि २५ दिनमा पूरा गरेका छन् । शनिबार अन्तिम दृश्य खिच्दै चलचित्रको छायांकन सकिएको हो ।

दिपेन्द्र के खनालले निर्देशन रहेको यस चलचित्र काठमाडौं र ललितपुरमा छायांकन भएको बताइएको छ । चलचित्रमा खगेन्द्र लामिछाने, आर्यन सिग्देल, निश्चल बस्नेत, केकी अधिकारी, उपासना सिंह ठकुरी, प्रकाश घिमिरे, श्रृजना नापित, संजोग रसाइली, रुविना घिमिरेलगायतको अभिनय रहेको छ । छायांकनमा जानुभन्दा अगाडि नै आगामी माघको ११ गतेलाई चलचित्रको प्रदर्शन मिति घोषणा गरिएको थियो । अहिलेसम्म यो मितिमा अरु चलचित्र छैनन् ।

युवराज कार्की कार्यकारी निर्माता रहेको चलचित्रमा शरद श्रेष्ठ, किरण महर्जन र राजीव श्रेष्ठ निर्मातामा छन् । ‘कर्नाली ब्लुज’, ‘एक्लो’, ‘उसले दिएको उमेर’, ‘फिरफिरे’ जस्ता उपन्यासका लेखक बुद्धि सागरको लेखन रहेको यो चलचित्रका छायाँकार कृष्णबहादुर थापा हुन् । चलचित्रले सामाजिक विषयलाई रमाइलो शैलीमा भनेको छ । घरबेटी र डेरावालको कथामा आधारित भएर चलचित्र बनेको हो ।