आवेदन दिने विहिबार अन्तिम मिति रहेको र शाम्बाला बाहेक अन्य कुनैपनि चलचित्रले आवेदन नदिएको ओस्कारको नेपाल छनोट समितिले जनाएको छ
काठमाडौं
२८ भदौं । मीनबहादुर भाम निर्देशित चलचित्र ‘शाम्बाला’ ले नेपालबाट आगामी ओस्कार अवार्ड प्रतिनिधित्व गर्ने भएको छ ।
नेपालबाट ओस्कारका लागि शाम्बाला चलचित्रले मात्र आवेदन दिएपछि अब यो चलचित्र ओस्कारका लागि शिफारिस हुने निश्चित बनेको हो ।
आवेदन दिने विहिबार अन्तिम मिति रहेको र शाम्बाला बाहेक अन्य कुनैपनि चलचित्रले आवेदन नदिएको ओस्कारको नेपाल छनोट समितिले जनाएको छ । नेपालको छनोट समितिले चलचित्रलाई आगामी नोभम्बरसम्म अमेरिका पठाइसक्नुपर्नेछ ।
ओस्कार अवार्डको ९७औं संस्करण आगामी मार्च ३ मा अमेरिकाको लस–एन्जलसमा आयोजना हुँदैछ ।
यस अघि विभिन्न अन्तर्राष्ट्रिय चलचित्र महोत्सव समेत प्रदर्शन भएर प्रशंसा बटुलेको ‘शाम्बाला’ शुक्रबारदेखि नेपाली हलमा प्रदर्शन भएको छ ।
यस चलचित्रको केहि दिनअघि मात्र काठमाडौँमा बलिउडका चर्चित अभिनेता नवाजुद्दीन सिद्धिकी र निर्देशक अनुराग कश्यपको उपस्थितिमा प्रिमियर गरिएको थियो ।
प्रतिक्रिया