काठमाडौं आउँदै गरेको कार पहिरोले पुर्‍यो

१० असोज । पृथ्वी राजमार्ग अन्तर्गत धादिङको गल्छी गाउँपालिका–४ चिरौदीमा सडक माथिबाट खसेको सुख्खा पहिरोमा कार पुरिएको छ । गजुरीबाट काठमाडौं आउँदै गरेको ग २ च ७८८५ नम्बरको कार पहिरोमा पुरिएको इलाका प्रहरी कार्यालय गजुरीले जनाएको छ । प्रहरीका अनुसार कारमा सवार चार जना घाइते भएका छन् । उनीहरुको बैरेनि अस्पतालमा उपचार भइरहेको प्रहरी नायव उपरीक्षक डिल्ली नारायण पाण्डेले जानकारी दिए ।
पहिरोका कारण सडक पृथ्वी राजमार्ग अवरुद्ध भएको छ । जेसीबीले पहिरो हटाउने प्रयास जारी रहेको प्रहरीले जनाएकाे छ ।