पाँचखालमा आईचर गाडी दुर्घटना, चालकको मृत्यु

सो सवारीसाधन अनियन्त्रित भई सडकबाट करिब ७० मिटर तल खसेर बिहीबार दिउँसो दुर्घटना भएको थियो

११ असोज । काभ्रेमा भएको सवारी दुर्घटनापछि चालकको मृत्यु भएको छ ।
प्रहरीका अनुसार काभ्रेको पाँचखाल नगरपालिका–५ सईतिस किलो केराघाँरीस्थित सडकमा धुलिखेलबाट पाँचखालतर्फ जाँदै गरेको बा.५ ख १२८१ नम्बरको आईचर गाडी दुर्घटना भएको हो ।
सो सवारीसाधन अनियन्त्रित भई सडकबाट करिब ७० मिटर तल खसेर बिहीबार दिउँसो दुर्घटना हुँदा चालक सिन्धुली मरिण गाउँपालिका–१ बस्ने २८ वर्षीय रमेश ठाडाको मृत्यु भएको प्रहरीले जानकारी दिएको छ ।
दुर्घटनामा गम्भीर घाइते भएका उनको धुलिखेल अस्पतालमा उपचारको क्रममा मृत्यु भएको हो ।
दुर्घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।