राजधानीमा आइतबार एकै दिन तीन जना मृत फेला

ललितपुर
१३ असोज । राजधानीमा आइतबारएकै दिन तीन जना मृत फेला परेका छन् ।
प्रहरीका अनुसार ललितपुरको महालक्ष्मी नगरपालिका–८ लुभु शंखादेवी बस्ने ४० वर्षीया लिलादेवी थापा सोही नगरपालिका–८ स्थित नेपालचौरमा आइतबार मृत अवस्थामा फेला परेकी छिन् ।
ललितपुर महानगरपालिका–३ सानेपा मनमोहन पार्क फोहोर मैला डम्पिङ साइडमा झापा कमल गाउँपालिका–१ घर भएका २८ वर्षीय सुवास पाण्डे आइतबार मृत अवस्थामा फेला परेका छन् ।
साथै काठमाडौं महानगरपालिका–८ पशुपती क्रियापुत्री भवन पछाडी बागमती खोला किनारमा हाल नाम, थर, वतन नखुलेका अन्दाजी ४० वर्षीय पुरूष आइतबार मृत अवस्थामा फेला परेका छन् ।
घटनाहरुको सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।