काभ्रेमा बाढीपहिरोः मृत्यु हुनेको संख्या ७२ पुग्यो, पाँचजना बेपत्ता

१८ असोज । काभ्रेमा वर्षापछिको बाढीपहिरोमा परी मृत्यु हुनेको संख्या ७२ पुगेको छ। पाँचजना अझैँ बेपत्ता छन्।

जिल्ला प्रहरी कार्यालय काभ्रेका अनुसार सबैभन्दा बढी पनौती नगरपालिकामा १८ जना र वेथानचोक गाउँपालिकामा १२ जनाको मृत्यु भएको छ।

त्यस्तै तेमाल गाउँपालिकामा २, धुलिखेल नगरपालिकामा १, नमोबुद्धमा १ जना र चौरीदेउराली गाउँपालिकामा १ जना गरि बेपत्ता छन्। उनीहरुको खोजी भइरहेको प्रहरीको भनाइ छ।

घाइते २१ जनाको उपचार जारी छ भने ५७ जना उपचारपछि घर फर्केका छन्।

बढी क्षति भएका पनौती, वेथानचोक, रोशी गाउँपालिका र नमोबुद्ध नगरपालिकाले सहयोग संकलनका लागि अपील समेत गरेका छन्।