नेपालद्वारा अमेरिका टी–२० आई क्रिकेट खेलमा पराजित

आज भएको खेलमा नेपालले अमेरिकालाई १७ रनले पराजित गरेको हो

२ कार्तिक । नेपालले टी–२० आई खेलमा अमेरिकालाई पराजित गरेको छ । अमेरिकाको ग्राण्ड प्रेरी रंगशालामा आज भएको खेलमा नेपालले अमेरिकालाई १७ रनले पराजित गरेको हो ।

नेपालले दिएको १६५ रनको लक्ष्य पछ्याएको अमेरिका ७ विकेट गुमाएर १४७ रन बनाएको थियो् ।

अमेरिकाका लागि शायन जहानगिरले ६० रन बनाए । आन्द्रेस गौसले ३०, मिलिन्ड कुमारले २२ र जसदीप सिंहले १६ रन बनाए । कप्तान मोनांक पटेल र आरोन जोन्सले तीन÷तीन र सैतेजा मुक्कामल्ला २ रनमा बाहिरिए ।

नेपालका दीपेन्द्रसिंह ऐरीले ३, करण केसी, रिजन ढकाल र गुल्शन झाले एक÷एक विकेट लिए ।

्याटिङ गरेको नेपालले ९ विकेटको क्षतिमा १६४ रन बनाएको थियो । नेपालका कप्तान रोहित पौडेलले १ छक्का र चार चौकाको मद्दतमा ४९ रनको योगदान गरे ।

नेपालका दीपेन्द्रसिंह ऐरीले १ छक्का र २ चौकासहित २८, ओपनर अनिल शाह र आसिफ शेखले समान २७÷२७, गुल्शन झाले ११, कुशल भुर्तेलले १० र सोमपाल कामीले २ रन बनाएका थिए । करन केसी र आरिफ शेख शून्य रनमा आउट भएका थिए ।