शंखरापुरमा बस दुर्घटना हुँदा ११ जना घाइते

४ कात्तिक । काठमाडौं शंखरापुरमा बस दुर्घटना हुँदा ११ जना घाइते भएका छन्। आइतबार अपराह्न ४ बजे शंखरापुर नगरपालिका-३ लप्सेफेदी जंगलमा मेलम्ची-काठमाडौं सडकखण्डमा बस दुर्घटनामा परेको हो।

हेलम्बुबाट काठमाडौं आउँदै गरेको बा ३ ख ९०३६ नम्बरको बस अनियन्त्रित भएर दुर्घटनामा परेको हो। उक्त बस पाँचपोखरी गाउँपालिका-५ का ३४ वर्षीय कान्छा तामाङले चलाएका थिए। उनलाई र बसलाई प्रहरीले नियन्त्रणमा लिएको जिल्ला प्रहरी परिसर काठमाडौंले जनाएकाे छ ।
घाइतेको पिपुल्स लाइफ केयर अस्पताल, शंखरापुर अस्पताल र अर्थोपटडिक अस्पतालमा उपचार भइरहेको छ। सबैको अवस्था सामान्य छ।