साउन महिनामा मात्रै भारतबाट ८० हजार केजी बटर, ८ हजार केसी चिज र १२ हजार अन्य डेरीजन्य पदार्थ आयात भएको
६ कार्तिक । पछिल्लो समय भारतबाट पुनः दूग्धजन्य पदार्थ आयात हुन थालेपछि डेरी व्यावसायी रुष्ट बनेका छन् ।
सरकारले नेपालका दुध खपत नभई खेर गएको भन्दै गत २०८० फगुन ३ गतेबाट भारतीय दुध र दुग्धजन्य पर्दाथ आयातमा प्रतिबन्ध लगाएको थियो । तर केही समयदेखि भारतले नेपालमा आउने विभिन्न सरसामानमा अप्ठ्यारो पार्न थालेपछि सरकारले दुध र दुग्धजन्य पर्दाथ आयात खोल्ने भएपछि व्यावसायी रुष्ट बनेका हुन् । मंंगलबार डेरी व्यावसायी एशोसिएसनले विज्ञप्ती प्रकाशन गरेर भारतबाट दुध आयात भए नेपाली किसानको दुध बिक्रि नहुने अवस्था आउने चेतावनी दिएका छन् ।
अहिले साउन महिनामा मात्रै भारतबाट ८० हजार केजी बटर, ८ हजार केसी चिज र १२ हजार अन्य डेरीजन्य पदार्थ आयात भएको सरकारी तथ्याङ्क उल्येख गर्दै ५० अर्ब लगानी भएको डेरी उद्योग धरासयी हुने भन्दै विज्ञप्तीमार्फत व्यावसायीले चिन्ता व्यक्त गरेका छन् । यसबाट ६ लाख पशुपालन गर्ने किसान र ५० हजार रोजगारीमा प्रत्यक्ष असर पर्ने भन्दै एशोसिएसनका अध्यक्ष प्रल्हाद दाहालद्वारा हस्ताक्षरित विज्ञप्ती प्रकाशित गरेर दुध र दुग्धजन्य पर्दाथमा पूर्ण प्रतिबन्ध लगाउन माग गरेका छन् ।
प्रतिक्रिया