२१ कात्तिक । शेयरबजार परिसूचक नेप्से बुधबार सामान्य अंकले घटेको छ। आज नेप्से १.८८ अंकले घटेर २ हजार ६७५.५१ को विन्दुमा सीमित भएको हो।
कूल १ करोड १६ लाख कित्ता शेयर खरिदबिक्री हुँदा ५ अर्ब २२ करोड रुपैयाँ बराबरको कारोबार भएको छ। १३ उपसमूहमध्ये ५ वटा बढेकामा ८ उपसमूह घटेका छन्। सबैभन्दा धेरै म्युचुअल फन्ड १.०९ प्रतिशतले बढेको छ भने वित्त ०.७९, विकास बैंक ०.७३, जलविद्युत् ०.४६ र व्यापार उपसमूहमा ०.२९ प्रतिशतको वृद्धि देखिएको छ। यस्तै, होटल तथा पर्यटन उपसमूह सबैभन्दा धेरै ०.७५ प्रतिशतले घटेको छ।
१२१ कम्पनीको शेयर बढेकामा ११७ कम्पनीको शेयर घटेको छ। यस्तै ६ कम्पनीको शेयर स्थीर रहेको नेपाल स्टक एक्सचेन्ज नेप्सेले जनाएको छ।
नारायणी विकास बैंक र बलेफी जलविद्युत्मा सकारात्मक सर्किट लागेको छ। यस्तै, पिपुल हाइड्रो र समृद्धि फाइनान्सको शेयरमूल्य क्रमशः ९.१२ र ८.७९ प्रतिशतले बढेको छ। नेपाल फाइनान्स लिमिटेडको शेयरमा सबैभन्दा धेरै ८.२६ प्रतिशतको गिरावट देखिएको छ।
प्रतिक्रिया