१४ मंसिर । रामेछापमा सवारी दुर्घटना हुँदा ५ जनाको मृत्यु भएको छ। गोकुलगंगा गाउँपालिका ६ सिमलडाँडाको भिरमा फोर्स गाडी दुर्घटना हुँदा ५ जनाको घटनास्थलमै मृत्यु भएको र अरु ३ जना घाइते भएको रामेछापका डीएसपी प्रदीप सिंहले बताए।
गाडीमा ८ जना सवार थिए। घाइते एक जनालाई मन्थली अस्पताल र एकजनालाई तामाकोसी अस्पतालमा उपचारका लागि लगिसकिएको रामेछापका प्रमुख जिल्ला अधिकारी राजु प्रसाद पौडेलले बताए। एक जना घाइते बाटैमा छन्।
गोकुलगंगा–४ का वडाध्यक्ष बस्नेतको मृत्यु
गोकुलगंगा गाउँपालिका–४ का वडाध्यक्ष रामचन्द्र बस्नेतको पनि साेही दुर्घटनामा मृत्यु भएको छ ।
उनी गत स्थानीय तह निर्वाचनमा नेपाली कांग्रेसबाट निर्वाचित भएका थिए ।
प्रतिक्रिया