काठमाडौंको जडिबुटीमा मोटरसाइकल दुर्घटना, चालकको मृत्यु

काठमाडौं
काठमाडौंको जडिबुटीमा शनिबार राती मोटरसाइकल दुर्घटनामा परेर चालकको मृत्यु भएको छ ।
प्रहरीका अनुसार काठमाडौं महानगरपालिका–३२ जडिबुटीस्थित सडकमा रोकी राखेको बा.४ ख ६१८२ नम्बरको टिपरमा प्र.३–०२–००४ प ०२०५ नम्बरको मोटरसाइकल ठक्कर खाँदा सो दुखद दुर्घटना भएको छ । दुर्घटनाम मोटरसाइकल चालक पर्सा वीरगंज महानगरपालिका–१४मुरलीवगैंचा घर भई काठमाडौं काँडाघारी हात्तिडाँडा बस्ने ४५ वर्षीय संजय सिंहको मृत्यु भएको हो । दुर्घटनामा गम्भीर घाइते भएका उनको राष्ट्रिय ट्रमा सेन्टर महांकालमा उपचारको क्रममा मृत्यु भएको थियो । हाल फरार टिपर चालकको प्रहरीले खोजी गरिरहेको जानकारी दिएको छ ।