कीर्तिपुर नगरपालिकाको मेयरमा नेपाली कांग्रेसका उम्मेदवार कृष्णमान डंगोल विजयी

काठमाडौं
काठमाडौंको कीर्तिपुर नगरपालिकाको मेयर पदमा नेपाली कांग्रेसका उम्मेदवार कृष्णमान डंगोल विजयी भएका छन् ।
आइतबार राती अबेर सार्वजनिक उपनिर्वाचनको अन्तिम मतपरिणाम अनुसार कांग्रेस उम्मेदवार कृष्णमान डंगोलले ५ हजार ३ सय ३४ मत पाएसँगै विजयी भएका छन् ।
उनका निकटतम् प्रतिद्वन्द्वी नेकपा माओवादी केन्द्रका प्रा.डा शिवशरण महर्जनले ४ हजार ५ सय ५५ मत पाएका छन् ।
नेकपा एमालेका उम्मेदवार डा. सुरेन्द्र मानन्धर तेस्रो हुँदै ४ हजार ३ सय ३७ मत प्राप्त गरेका छन् ।
स्वतन्त्र उम्मेदवार राजमान महर्जन भने चौथो स्थानमा रहँदै २ हजार ३६ मत पाएका छन् ।
यसअघि ०७९ मा भएको स्थानीय तह निर्वाचनमा कांग्रेस उम्मेदवार राजकुमार नकर्मीले ९ हजार ४३ मत पाएर विजयी भएका थिए । उनको मृत्यु भएपछि यहाँ उपनिर्वाचन गरिएको हो ।