एनपीएल : विराटनगरलाई हराउँदै सुदूरपश्चिमको सानदार सुरुवात

१८ मंसिर । सुदूरपश्चिम रोयल्सले विराटनगर किंग्समाथि सानदार जीत निकालेको छ । नेपाल प्रिमियर लिग (एनपीएल)मा आज पहिलो खेल खेलेको सुदूरपश्चिम रोयल्सले विराटनगरलाई ९० रनले पराजित गर्दै सानदार सुरुवात गरेकाे हाे । सुदूरपश्चिमले दिएको १८३ रनको विशाल लक्ष्य पछ्याएको विराटनगर किंग्स १६.१ ओभरमा ९२ रनमै अलआउट भयो।

आजको खेलमा विराटनगरका बसिर अहमदले २४, निकोलस किर्टोनले १५ र क्रिस सोलेले १० रन बनाए भने अरु खेलाडीले दोहोरो अंकमा रन जोड्न सकेनन् ।

विराटनगरविरुद्ध फराकिलो जीत निकाल्ने क्रममा सुदूरपश्चिमका अविनाश बोहोराले र स्कटले तीन/तीन विकेट लिए । ब्रान्डन, इशान पाण्डे र सैफ जैबले एक/एक विकेट लिए । साथै कप्तान दीपेन्द्र सिंह ऐरीले अन्तिम दुई बलमा लगातार छक्का प्रहार गर्दै सानदार फिनिसिङ गरे । उनले ३ चौका र ५ छक्का प्रहार गरे । बाउन्ड्रीबाट ४२ रन जोड्दै उनले ५७ रन बनाए । साथै ब्रान्डनले ३६, बिनोद भण्डारीले २३, इशान पाण्डेले २१, सैफ जैबले १४, स्कटले १० रन बनाए ।

विराटनगरका अनिल खरेलले तीन, क्रिस सोले, इस्मत अलाम र बसिर अहमेदले एकरएक विकेट लिएका थिए । यो विराटनगरको लगातार दोस्रो हार हो । यसअघि जनकपुर बोल्टसँग ८ विकेटले पराजित भएको थियो ।