चार महिनादेखि किसानले पाएनन् दुध बिक्रि गरेको रकम

हेटौडा
बागमती हेटौँडा दूध वितरण आयोजनाले किसानलाई चार महिनादेखि दुध बिक्रि गरेको भुक्तानी नदिदा समस्या परेको छ ।

आयोजना प्रमुख राजीव खनालका अनुसार पदार्थ बिक्री नहुँदा किसानलाई चार महिनादेखि दूधको भुक्तानी दिन नसकेको बताएका छन् ।
बजारको मागभन्दा दूध तथा दुग्धजन्य पदार्थको उत्पादन बढी भएकाले आयोजना कार्यालयलाई भण्डारणमा पनि समस्या भएको छ ।
चालु आर्थिक वर्षको चार महिनामा रु नौ करोड ५२ लाखको दूध तथा दुग्धजन्य पदार्थ बिक्री गरेको छ । गत आवको सोही अवधिको तुलनामा यो रु दुई करोड ४० लाखले बढी हो ।
समयमै भुक्तानी नपाउदा मकवानपुर, बारा, पर्सा, रौतहट र सर्लाहीका किसान समस्यामा परेका हुन् ।

आयोजनाले आव २०८१÷८२ को साउनदेखि कात्तिकसम्ममा रु नौ करोड ५२ लाखको दूध तथा दुग्धजन्य पदार्थ बिक्री गरेको छ । आव २०८०÷८१ को अवधिमा रु सात करोड १२ मूल्य बराबरको दूध तथा दुग्धजन्य पदार्थ बिक्री भएको थियो ।