काठमाडौं एअरपोर्ट सडकमा कार र मोटरसाइकल दुर्घटना, एकको मृत्यु, एक घाइते

काठमाडौं
काठमाडौंको एअरपोर्ट सडकमा कारले मोटरसाइकललाई ठक्कर दिएपछि एक जनाको निधन भएको छ भने एक घाइते भएका छन् ।
प्रहरीका अनुसार काठमाडौंको कागेश्वरी मनोहरा नगरपालिका–९ एयरपोर्ट राडरस्थित सडकमा बा.३१ प २५३७ नम्बरको मोटरसाइकल बीएबी ५१२४ नम्बरको कारसँग ठक्कर खाई सो दुर्घटना भएको थियो । बिहीबार दिउँसो भएको दुर्घटनामा मोटरसाइकल चालक सिन्धुपाल्चोक लिशंखुपाखर गाउँपालिका–३ घर भएका ४२ वर्षीय नोर्बे लामाको मृत्यु भएको छ ।
दुर्घटनामा गम्भीर घाइते भएका उनको केएमसी अस्पताल सिनामंगलमा उपचारको क्रममा मृत्यु भएको थियो । साथै दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरहेको छ ।
कार चालकलाई नियन्त्रणमा लिएर दुर्घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।