नेपाली चलचित्र ’बम बहादुर’को भारतको दार्जिलिङमा प्रिमियर, दर्शकले गरे तारिफ

सहभागीहरुले दार्जिलिङका सुन्दर दृश्यहरूलाई खिचिएको सिनेमाटोग्राफीको पनि खुलेर तारिफ गरेका छन्

काठमाडौं
चलचित्र ’बम बहादुर’को भारतको दार्जिलिङमा प्रिमियर गरिएको छ । ओख्ली ढिकी प्रोडक्सनले गोर्खा रंगमञ्च भवनमा चलचित्रको प्रिमियर गरिएको हो । सन १९८६ मा दार्जिलिङमा भएको गोर्खाल्यान्ड आन्दोलनको सन्दर्भलाई पर्दामा उतारिएको चलचित्र नेपाल र भारतमा एकसाथ पुस ५ गते प्रर्दशन हुँदैछ ।
प्रिमियरमा सहभागीहरुले चलचित्रको कथावस्तु,पार्शसंगीत, प्रस्तुति, कलाकारहरूको अभिनय र प्राविधिक पक्षको प्रशंशा गरेका छन् । सहभागीहरुले दार्जिलिङका सुन्दर दृश्यहरूलाई खिचिएको सिनेमाटोग्राफीको पनि खुलेर तारिफ गरेका छन् । चलचित्रको कथावस्तु,संवादहरू जीवन्त रहेको भन्दै सहभागीले चलचित्र उत्कृष्ट बनेको प्रतिक्रिया दिए । प्रिमियरमा अनिशा रसाइली, अजय प्रधान, शान्तिला तामाङ, बाल कलाकार वशिस्ट कार्की, प्रभात पाख्रिन, बादल क्षेत्री लगायतको प्रिमियरमा उपस्थिति थिए ।

चलचित्र बम बहादुरको नेपालीे सञ्जीव सार्कीले निर्माण गरेको र जोन राईले निर्देशन गरेका हुन् ।