भर्खरै भुकम्पको धक्का महसुस

बझाङको रायाल आसपास केन्द्रविन्दु भएर गएको भुकम्प तीन दशमलव नौ रेक्टरस्केल रहेको

काठमाडौँ
भर्खरै भुकम्पको धक्का महसुस गरिएको छ ।
बझाङको रायाल केन्द्रविन्दु भएर भूकम्प गएको हो । राष्ट्रिय भूकम्प मापन तथा अनुसन्धान केन्द्र लैनचौरका अनुसार आज विहान ११ बजेर २ मिनेट जाँदा
भुकम्प गएको छ । बझाङको रायाल आसपास केन्द्रविन्दु भएर गएको भुकम्प तीन दशमलव नौ रेक्टरस्केल रहेको केन्द्रले जानकारी दिएको छ ।
यसअघि गत मङ्सिर ६ गते बिहान कास्की र मनाङको सीमानामा पर्ने अन्नपूर्ण क्षेत्रलाई केन्द्रविन्दु बनाएर चार दशमवल दुई रेक्टरस्केलको भूकम्प गएको थियो ।
पछिल्लो समय नेपालमा भूकम्प जाने क्रम जारी रहेको केन्द्रले जनाएको छ । नेपाल हिमालय क्षेत्र भएकाले भूकम्पको जोखिमपूर्ण क्षेत्रका रूपमा लिने गरिन्छ ।