आफ्नै श्रीमतीको खुकुरी प्रहार गरेर हत्या

सुनसरी
एक युवकले आफ्नै श्रीमतीको खुकुरी प्रहार गरेर हत्या गरिदिएका छन् ।
य्रहरीका अनुसार उनले २८ वर्षीया सम्झना रसाईलीको हत्या गरेका हुन् । धरान उपमहानगरपालिका–२ पुरानो बजार डेरा गरी बस्ने भोजपुर अरूण गाउँपालिका–६ जरायोटार घर भएका ३७ वर्षीय अमृत रसाईलीलाई शुक्रबार दिउँसो हत्या अभियोगमा प्रहरीले पक्राउ गरेको छ ।
अमृतले वादविवादको क्रममा खुकुरी प्रहार गर्दा सम्झनाको घटनास्थलमै मृत्यु भएको प्रहरीले जानकारी दिएका छ । हत्याको सूचनापछि इलाका प्रहरी कार्यालय धरानबाट खटिएको प्रहरीले उनलाई पक्राउ गरेको छ ।
घटनाका सम्बन्धमा प्रहरीले आवश्यक अनुसन्धान गरिरहेको बताएको छ ।