भक्तपुरको नलिञ्चोकमा मोटरसाइकलले ठक्करपछि पैदलयात्रीको मृत्यु

काठमाडौं
भक्तपुर नलिञ्चोकमा मोटरसाइकलले ठक्कर दिंदा पैदलयात्रीको मृत्यु भएको छ ।
प्रहरीका अनुसार रामेछापको दोरम्बा गाउँपालिका–४ घर भई सूर्यविनायक नगरपालिका–१० नलिन्चोक बस्ने ७० वर्षीय निमबहादुर मगरको मृत्यु भएको हो ।
जगातीबाट साँगा जाँदै गरेको बा४६प ११२७ नम्बरको मोटरसाइकलले नलिन्चोक जोरपाटीमा निमबहादुरलाई ठक्कर दिएपछि उनको मृत्यु भएको छ ।
गम्भीर घाइते भएका उनलाई मध्यपुर अस्पताल पु¥याइएकोमा उपचारकै क्रममा राति पौने १० बजे मृत्यु भएको प्रहरीले जनाएको छ ।
मोटरसाइकल चालक काभ्रेको बनेपा–६ का ४४ वर्षीय जितेन्द्र श्रेष्ठलाई प्रहरीले नियन्त्रणमा लिएको छ ।