ट्रकको ठक्करपछि सडकछेउमा सुतेका युवकको मृत्यु

मकवानपुर
मकवानपुरको हेटौडामा ट्रकको ठक्करपछि सडकछेउमा सुतेका युवकको मृत्यु भएको छ।
प्रहरीका अनुसार हेटौंडा उपमहानगरपालिका–४ रजतजयन्ती चोकमा ना.६ ख ३३७६ नम्बरको ट्रकले किच्दा सडक छेउमा सुतेका हाल वतन नखुलेका अन्दाजी ३५ वर्षीय कृष्ण न्यौपानेको मृत्यु भएको छ ।
सोमबार दिउँसो भएको उक्त दुर्घटनामा गम्भीर घाइते भएका उनको हेटौंडा अस्पताल हुँदै एलाईभ अस्पताल भरतपुर चितवनमा उपचारको क्रममा मंगलबार बिहान मृत्यु भएको हो । दुर्घटनापछि ट्रक चालकलाई प्रहरीले नियन्त्रणमा लिएर कान्ूनी कारवाही सुरु गरेको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।