काठमाडौंको कोटेश्वरमा दुर्घटनामा परेर दुई जनाको निधन

कठमाडौं

काठमाडौंको कोटेश्वरमा दुर्घटनामा परेर दुई जनाको निधन भएको छ ।

प्रहरीका अनुसार काठमाडौं महानगरपालिका–३२ जडिबुटी कामख्या पेट्रोल पम्प नजिक सडकमा बा.५ ख ३७६४ नम्बरको बसले बा.६७ प ५८६४ नम्बरको स्कुटरलाई बुधबार साँझ ठक्कर दिँदा स्कुटरमा सवार रामेछाप गोकुलगंगा गाउँपालिका–७ घर भई ललितपुर बस्ने ४२ वर्षीया गायत्री कार्कीको मृत्यु भएको छ ।
दुर्घटनामा गम्भीर घाइते भएकी उनको सिभिल अस्पताल नयाँ बानेश्वरमा उपचारको क्रममा मृत्यु भएको हो । बस तथा स्कुटर चालकलाई प्रहरीले नियन्त्रणमा लिएको छ ।
साथै काठमाडौंको कोटेश्वरमा मोटरसाइकल दुर्घटनाका परेर एक युवकको निधन भएको छ । प्रहरीका अनुसार आज विहान काठमाडौं महानगरपालिका–३२ कोटेश्वरनजिकै बालकुमारी सडकमा दुघटना परेको हो ।

सो दुर्घटनामा बा.प्र.०२– ०२१ प ८५४२ नम्बरको मोटरसाइकलको ठक्करबाट हाल नाम, थर, वतन नखुलेका ५५ वर्षीय पुरूषको बिहीबार बिहान मृत्यु भएको छ । दुर्घटनामा गम्भीर घाइते भएका उनको राष्ट्रिय ट्रमा सेन्टर महांकालमा उपचारको क्रममा मृत्यु भएको थियो ।
हाल फरार मोटरसाइकल चालकको प्रहरीले खोजी गरिरहेको जानकारी दिएको छ ।