ललितपुरको फुल्चोकी जंगलमा घुम्न गएका १३ जना हराए

८ पुस । ललितपुरको गोदावरी नगरपालिकाको फुलचोकी जंगलबाट १३ जना व्यक्ति हराएका छन् । सोमबार फुलचोकीमा घुम्न गएका १३ जना व्यक्ति हराएको सूचनापछि अहिले खोजी कार्य थालिएको छ ।
ललितपुर प्रहरीका अनुसार स्थानीयको सहयोगमा प्रहरी परिचालन गरेर हराएका व्यक्तिहरूको खोजी कार्य चलिरहेको छ ।

फुलचोकी डाँडामा हिँउदेयाममा घुम्न जानेहरूको भिड लाग्ने गर्छ । २७६१ मिटर अग्लो रहेको यो डाँडा काठमाडौं उपत्यका घेर्ने सबैभन्दा अग्लो डाँडा हो ।