चलचित्र भवनमा पुस महिनामा पुराना नेपाली चलचित्रकै बर्चस्व

काठमाडौँ
पुस महिनामा दुई चलचित्र प्रर्दशन भए, चलचित्र बम बहादुर र देववाणी । यी दुबै चलचित्रले बजार तताउन सकेका छैनन् ।
चलचित्र देववाणाी राजधानीको हलहरुबाट उत्रि सकेको छ भने चलचित्र बम बहादुर पनि राजधानीको क्युअफएक्स, वान सिनेमा र एफक्युवमा छैन ।
बुधवार पुस १० देखि ‘देववाणी’ लाई बाबुसाहेब बलामीले निर्देशन गरेका हुन् । कुञ्जन भारद्वाज, अञ्जु लेप्चा, सुनिल थापा, ह्यारी जोस, रवीन्द्र झा लगायतका कलाकारले अभिनय गरेको चलचित्र काठमाडौँ बाहिर प्रदर्शनरत छ । सुरुआती व्यापार उत्साहजकन गर्न नसकेपछि यसको काठमाडौँ उपत्यका प्रदर्शन हुन सकेको छैन । अर्थात् चलचित्र भवनले यस चलचित्रलाई शो उपलब्ध गराएका छैनन् ।

गत कत्तिक १५ गतेदेखि प्रदर्शनमा आएको चलचित्रले सफलतापूर्वक ५१ औँ दिन पार गरिसकेको छ । यसको नेपालमै ५० करोडको हाराहारीमा व्यापार (ग्रस कलेक्सन) भएको निर्माण पक्षले दाबी गरेको छ ।

नेपाली चलचित्रको इतिहासमा सबै भन्दा बढी व्यापार गर्न सफल भएको चलचित्र ‘पूर्णबहादुरको सारङ्गी’ प्रदर्शनरत छ ।

सरोज पौडेलले निर्देशन गरेको चलचित्रमा अभिनेता विजय बराल, मुकुन भुसाल, बुद्धी तामाङ, प्रकाश सपूत, अभिनेत्री अञ्जना बराइली लगायतका कलाकारले अभिनय गरेका छन् ।

यस्तै, गत मङ्सिर ७ देखि प्रदर्शन भएको चलचित्र ‘तेल भिसा’ उपत्यका र मोफसलका केही चलचित्र भवनमा प्रदर्शनरत छ । निर्देशक शङ्कर घिमिरेले आफ्नो सन्तान भेट्न प्रवास पुग्ने अभिभावकको भोगाईमा चलचित्रलाई तयार गरेका छन् ।
चलचित्रमा अभिनेता विपिन कार्कीले दोहोरो भूमिका निर्वाह गरेका छन् । यसमा अभिनेता कार्कीसँगै पूजा चन्द, वर्षा राउत, बुद्धि तामाङ, सुचित्रा उप्रेतीसहित अमेरिकी कलाकारहरुले अभिनय गरेका छन् ।

अहिले नेपालका चलचित्र भवनमा विदेशीको तुलनामा स्वदेशी चलचित्र नै बढी देखिएका छन् । दर्शकले नेपाली चलचित्रलाई प्राथमिकता दिएपछि यस्तो सम्भव भएको वितरक करण श्रेष्ठले बताए ।

“नेपाली चलचित्रका लागि यो वर्ष निकै सुखद देखिएको छ । यो साथले धेरै चलचित्रकर्मीलाई हौसला दिएको छ । अहिलेसम्म प्रदर्शन भएका चलचित्रको समग्र व्यापार हेर्दा आउँदो वर्ष निर्माण सङ्ख्या बढ्नेमा दुईमत छैन”, वितरक श्रेष्ठले भने ।

बेलाबखतमा चलचित्र भवनले शो नदिएको गुनासो सुनिएता पनि यस वर्ष नेपाली चलचित्रले चलचित्र भवनमा आफूलाई अब्बल सावित गरेको छ ।
नेपाली निर्माता तथा निर्देशकले चलचित्र प्रदर्शनलाई प्राथमिकतामा राख्ने गरेका छन् । विदेशी ठूला बजेटका चलचित्र, चिसो मौसमले गर्दा पुसलाई नेपाली निर्माताले प्राथमिकतामा राख्ने गर्दैनन् । यद्यपि केही नेपाली चलचित्र अहिले चलचित्र भवनमा प्रदर्शनरत छन् ।