एकाविहानै ४.६ रेक्टर स्केलको भूकम्पको धक्का

बैतडी
आज एकाविहानै भुकम्पले धक्का दिएको छ ।
बैतडीसहित सुदूरपश्चिम प्रदेशका पहाडी जिल्लामा भूकम्पको धक्का महसुस गरिएको हो ।
सुर्खेतस्थित भूकम्प मापन केन्द्रका प्रमुख चिन्तन तिमल्सिनाका अनुसार बैतडीको सिगास गाउँपालिका–७ को न्वाघर केन्द्रबिन्दु भएर आज बिहान ७ः५४ बजे ४.६ रेक्टर स्केलको भूकम्प गएको हो ।
भूकम्पको धक्का महसुस बैतडीसहित, बझाङ, डडेल्धुरा, डोटीमा गरिएको छ । भूकम्पबाट के कति क्षति भयो भन्ने अहिलेसम्म जानकारी नआएको जिल्ला प्रहरी कार्यालयले जनाएको छ । पछिल्लो समय देशको पश्चिमी जिल्लाहरुमा निरन्तर भुकम्पले धक्का दिइरहेको छ ।
विज्ञहरुका अनुसार सयौं बर्षदेखि पश्चिमी क्षेत्रमा ठूला भुकम्पको धक्का नगएका कारण यो क्षेत्र विषेश जोखिमपूर्ण क्षेत्र हो ।