भक्तपुरमा स्कुटर दुर्घटना, पतिको मृत्यु, पत्नी गम्भीर घाइते

१९ पुस । भक्तपुरमा स्कुटर दुर्घटना भएको छ । दुर्घटनामा पतिको मृत्यु भएको छ भने पत्नी घाइते भएकी छन् । बा.प्र.०२–०२८ प ६६१० नम्बरको स्कुटर दुर्घटना भएको हो ।
झापाको भद्रपुर घर भई भक्तपुरको सानोठिमी धुन्चेपाखा बस्दै आएका ३१ वर्षीय निश्चल राजभण्डारीको दुर्घटनामा मृत्यु भएको जिल्ला प्रहरी परिसर भक्तपुरले जनाएको छ ।
स्कुटरको पछाडि सवार उनकी पत्नी २८ वर्षीया पूजा श्रेष्ठ दुर्घटनामा गम्भीर घाइते भएकी छन्। उनको भक्तपुरमा रहेको इन्टरनेशनल अस्पतालमा उपचार भइरहेको छ।