‘केटी हराएको सूचना’को ‘सपनीमा’ सार्वजनिक(भिडियोसहित)

१९ पुस । चलचित्र ‘मिसिङ : केटी हराएको सूचना’को गीत ‘सपनीमा’ सार्वजनिक भएको छ । गीतमा इन्दिरा जोशी र करण परियारको स्वर तथा करुण थापाको शब्द र संगीत छ ।

गीतको भिडियोमा चलचित्रका प्रमुख कलाकार नाजिर हुसेन र सृष्टि श्रेष्ठ फिचर्ड छन् । नाजिरले परिकल्पना गरेको घर र परिवारबाट सुरुआत भएको गीतमा नाजिर र सृष्टिलाई रोमान्टिक भावमा देखाइएको छ ।

आगामी माघ ११ गते रिलिज हुने चलचित्रलाई दीपेन्द्र गौचनले निर्देशन गरेका छन् । चलचित्रको कथा पनि निर्देशक स्वयंले लेखेका छन् । चलचित्रमा नाजिर र सृष्टिसँगै सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेललगायतको अभिनय छ ।