१९ पुस । चन्द्रागिरी नगरपालिका–२ नागढुङ्गाबाट अवैध लागूऔषध खैरो हेरोइनसहित २ जनालाई शुक्रबार बिहान प्रहरीले पक्राउ गरेको छ ।
पक्राउ पर्नेहरूमा कपिलवस्तु बाणगंगा नगरपालिका–३ बस्ने ३३ वर्षीय बसन्त बस्याल र सप्तरीको तिलाठी कोईलाडी गाँउपालिका–२ बस्ने ३४ वर्षीय लाल कुमार मण्डल रहेका छन् ।
प्रहरी प्रभाग नागढुङ्गा र लागूऔषध नियन्त्रण ब्यूरो शाखा कार्यालय नागढुङ्गाबाट खटिएको प्रहरी टोलीले काँकडभिट्टादेखि काठमाण्डुतर्फ आउँदै गरेका बाप्र ०१–००१ ख २८५६ नम्बरको बसमा सवार बसन्तलाई करीब २१ ग्राम र बाप्र ०१–००६ ख ५६५२ नम्बरको बसमा सवार लाल कुमारलाई करीब १५ ग्राम खैरो हेरोइनसहित पक्राउ गरेको छ ।
लागूऔषध सम्बन्धमा आवश्यक अनुसन्धान गरिरहेको प्रहरीले जनाएको छ ।
प्रतिक्रिया