अभिनेत्री दिव्या र आनासँग रोमान्टिक प्रदिप

काठमाडौं
पछिल्लो समय नेपाली चलचित्र क्षेत्रका चर्चित अभिनेता प्रदिप खड्काको चर्चा छ । हरेक चलचित्रमा विषेश अभिनय पस्कने खुबी रहेका अभिनेता प्रदिपको चलचित्र ‘एक्टरः टेक वन’ प्रदृशनको तयारीमा छ ।
चलचित्र अभिनेत्री दिव्या रायमाझी र आना शर्माको कारण पनि चर्चा बढेको हो । नेपाली चलचित्रका चकलेटी हिरोको परिचय बनाएका अभिनेता दिलिप रायमाझीकी छोरी दिव्या चलचित्रमार्फत इन्ड्रष्टिमा प्रवेश गर्दैछिन् ।
भर्खरै युट्युवमार्फत प्रशारणमा आएको चलचित्रको गीतमा प्रदिप रोमान्टिक मुडमा देखिएका छन् । गीतमा दिव्या र आनासँगको रोमान्स हेर्नलायक छ ।

गीत ‘के भरोसा गरम’ गीतको भिडियोमा सुपरस्टार प्रदिप खड्कालाई दुई नायिकाहरू आना शर्मा, र दिव्या रायमाझीसँग प्रेममा रहेको देखाइएको छ । गीतमा उनीहरुको त्रिकोणात्मक प्रेमकथा प्रस्तुत छ

गीतको भिडियो हेरिरहँदा प्रदिप दोहोरो भूमिकामा त छैनन् ? भन्ने प्रश्न उठ्न सक्ने ठाँउ छ । अभिनेत्री आनासंगको दृश्यमा बोल्ने प्रदिप र दिव्यासँगको दृश्यमा बोल्न नसक्ने भूमिकामा देखिएका छन् ।

गीतमा हर्कुलस बस्नेत र इन्दिरा जोशीले आवाज दिएका हुन् ।
चलचित्रको निर्देशन राजन भुसालले गरेका हुन् भने स्क्रिप्ट आकाश बराल र राजन भुसालको सहकार्यमा तयार गरिएको छ ।
चलचित्रमा प्रदिप, आना, र दिव्याका साथै राजबल्लभ कोइराला, दिव्य देव, उषा रजक, सृजना अधिकारी, र सुशील सिटौलालगायतका कलाकारहरूको प्रमुख भूमिका रहेको छ ।

‘एक्टरः टेक वन’ अधृत फिल्म्स् र अ मोती फिल्मको संयुक्त प्रस्तुति हो । यसका निर्माता थमन कुमार भण्डारी, क्रियटिभ निर्माता मोती कार्की, र सह–निर्माता अनीश भुसाल रहेका छन् ।