सातदोबाटोको कल सेन्टरमा प्रहरीको छापा, ५३ जना पक्राउ

२३ पुस । ललितपुर सातदोबाटोस्थित एक अवैध कल सेन्टरबाट प्रहरीले ५३ जनालाई नियन्त्रणमा लिएको छ । अनलाइनबाट जुवा खेलाएको आशंकामा केन्द्रीय अनुसन्धान व्युरो (सिआइबी)ले उनीहरूलाई पक्राउ गरिएको हो ।

सातदोबाटोस्थित भाडामा लिएको ४ तले घरबाट प्रोलिंक सोलुसन नामक कम्पनी दर्ता गरी जुवा खेलाएको पाइएपछि उनीहरूलाई पक्राउ गरिएको सीआइबीले जनाएको छ । पक्राउ पर्नेमा २९ महिला पनि रहेका छन् । ५३ जनामध्ये तीन जना भारतीय नागरिक हुन् ।