हरर कमेडी चलचित्र ‘फिरफिरे फिरिरी’को ट्रेलर हेरेर उठ्दैन हाँसो, लाग्छ र डर ?

काठमाडौं

हरर कमेडी चलचित्र ‘फिरफिरे फिरिरी’ को ट्रेलर सार्वजनिक गरिएको छ ।
ट्रेलरको दृश्य हेरेर हाँसो उठ्दो ठाँउ देखिएको छैन । तर डरलाग्दा क्षणहरु चलचित्रमा कैद भएको अनुमान भने गर्न सकिन्छ ।
झन्डै ३ मिनेट लामो ट्रेलरमा एउटा मानिसको हड्डी भेटिएपछिको परिस्थितीलाई कथा भनिएको छ । सँगै युवतीको आगमनले चलचित्रको कथा रोचक बन्ने परिस्थिती श्रृजना भएको बुझ्न कठीन पर्दैन ।

यस चलचित्रको नविन भट्टले निर्देशन गरेका हुन् । चलचित्रमा सन्दीप श्रेष्ठ, भावना उप्रेती, रविना केसी, पिटर प्रिन्स, मनोजकुमार अधिकारी, शंकर सेढाई, सूर्यमान लिम्बू, पुष्प अवस्थी लगायतको अभिनय छ । निर्देशक भट्ट र सन्दीप श्रेष्ठले चलचित्रको स्क्रिप्ट मिलेर लेखेका हुन् । ‘आज साइकल, भोलि फरारी’ ट्यागलाइन दिइएको चलचित्रले दर्शकलाई नयाँ स्वाद दिने छनक ट्रेलरले देखाउँछ ।

मनोजकुमार अधिकारी चलचित्रका निर्माता हुन् । चलचित्रमा जितु तामाङको छायाङ्कन, केशवराज भट्टको कोरियोग्राफी, प्रशान्त शिवाकोटीको संगीत तथा अनन्त घिमिरेको सम्पादन रहेको छ ।