चलचित्र दुः खी आत्माको टिजर : युवा जोडीको छछल्किएको बैशको कथाव्यथा

टिजरभरि दोहोर अर्थ लाग्ने एडल्ट संवाद छन्

ललितपुर
पत्रकारिता पेशा हुँदै चलचित्र निर्देशनमा होमिएका निर्देशक दिपेन्द्र लामाले दर्शकलाई एउटा फरक स्वादको चलचित्र देखाउने भएका छन् ।
हालै युट्युवमा सार्वजनिक भएको टिजर हेर्दा लामाले बैशकका लागि अर्को फरक चलचित्र बनाएका छन् ।

चलचित्र ‘दुखी आत्मा’को करिव ३ मिनेट लामो टिजरमा अभिनेता दयाहाङ राई र अभिनेत्री आँचल शर्माको अभिनय छ । टिजरभरि दोहोर अर्थ लाग्ने एडल्ट संवाद छन् ।
दर्शकको सर्वाधिक चासो रहने एडल्ड विषयबस्तुमा लामाले चलचित्र बनाएका छन् ।
सार्वजनिक भएको टिजरमा मुख्य दुई कलाकारहरु नायक दयाहाङ राई र नायिका आँचल शर्मालाई लामो समयसम्म देखाइएको छ । चलचित्रमा अभिनेत्री आँचलले बोलेका संवादले छछल्किएको युवाजोडी अनुभव गर्न सकिन्छ । टिजरको अंशहरु हेर्दा यौनजीवन सुखद नरहँदा जीवनमा आउने उतारचढावलाई विषयबस्तु बनाइएको हो कि भन्ने अनुमान लगाउन सकिने ठाँउ छोडिएको छ ।
यौन विषयबस्तुमा तयार गरिएको चलचित्रमा दयाहाङ फरक सुकिलोमुकिलो चलचित्रमा देखिएको भए पनि फरक चरित्र निर्माणमा मेहनत नगरेको हो कि भन्ने टिजरबाटै अनुमान लगाउन सकिन्छ ।

चलचित्रमा अभिनेता दयाहाङ र आँचलको साथमा अनुपविक्रम शाही, वुद्धि तामाङ, रेअर राई, पुष्कर गुरुङ, कविता आले, लोकेन्द्र लेखक, आरती आचार्य, आशान्त शर्मा, दिया मास्के, लुनिभा तुलाधर, शिशिर वाङ्देललगायतका कलाकारहरुको अभिनय हेर्न पाइन्छ ।
पत्रकार समेत रहेका दीपेन्द्र लामाको लेखन तथा निर्देशनमा निर्माण गरिएको यस चलचित्रमा हिमाल कडरियाको लगानी छ । सुदिप ढकाल कार्यकारी निर्माता रहेको चलचित्रमा आलोक शुक्लाको छायांकन, निमेष श्रेष्ठको सम्पादन गरेका छन् ।

चलचित्र फागुन २ गतेबाट देशभर प्रर्दशनको तयारीमा छ ।