कविता भन्ने नयाँ प्रयोग, चलचित्र ‘दुखी आत्मा’को कविता सार्वजनिक

ललितपुर
बेला बेलामा चलचित्रको टिजर, ट्रेलर र गीत सार्वजनिक भएको सुनिएको देखिएको नै हो । तर चलचित्र ‘दुखी आत्मा’ निर्माण टिमले कविता सार्वजनिक गरेर चलचित्रको प्रचार गरिरहेको छ ।

फागुनको २ गतेबाट देशभर प्रर्दशनमा आउन लागेको चलचित्र ‘दुखी आत्मा’मा समावेश भएको एउटा कविताको अंश भर्खरै युट्युवमा सार्वजनिक गरिएको छ ।

‘माया, तिमी यसलाई एक घटना संझ ।’ शव्द रहेको कविता अभिनेता दयाहाङ राईले अभिनेत्री आँचल शर्मालाई सुनाइरहेका दृश्य समेटिएको छ ।
च्लचित्रका लागि कवि श्रवण मुकारुङले लेखेका हुन् । यस्तो १० वटा कविताहरु यो चलचित्रमा समावेश रहेको निर्माण पक्षले जानकारी दिएको छ । सार्वजनिक कविताको शिर्षक ‘ब्रेकअप कविता’ दिइएको छ ।
चलचित्रको यो दृश्यले अभिनेता राई कविको भूमिकामा रहेको अड्कलबाजी गर्न थालिएको छ ।

चलचित्रमा दीपेन्द्र लामाको लेखन तथा निर्देशन गरेको हुन् ।

चलचित्रमा आँचल र दयाहाङसँगैमा अनुप विक्रम शाही, वुद्दि तामाङ, रेयर राई, पुष्कर गुरुङ, कविता आले लगायतका कलाकारहरुको अभिनय छ ।

चलचित्रमा समेत कविता प्रयोग हुनुलाई नेपाली साहित्यका लागि सुखद मान्न सकिन्छ । कविता भन्ने नयाँ प्रयोगले नेपाली कला र साहित्यमा आर्कषण बढ्ने सम्भावना देखिन्छ ।