काठमाडौं आउँदै गरेको ट्रकले मोटरसाइकललाई ठक्कर दियो, आगलागीबाट चालकको मृत्यु

काठमाडौं । लामोसाँघु जिरी सडक खण्ड को ८ किलो नजिक मोटर साइकललाई ट्रकले ठक्कर दिँदा एक जनाको जलेर मृत्यु भएको छ । ट्रकले ठक्कर दिँदा मोटरसाइकलमा आगलागी भएको थियो । उक्त आगलागीमा परि चालकको जलेर मृत्यु भएको हो ।
दोलखाबाट काठमाडौं आउँदै गरेको मालबाहक ट्रकले विपरीत दिशाबाट आउँदै गरेको मोटरसाइकललाई लामोसाँघु जिरी सडक खण्ड को ८ किलो नजिक ठक्कर दिएको थियो ।
मधेश प्रदेश ०३–००२ ख ०५३४ नम्बरको ट्रकले बागमती प्रदेश ०२–०३३ प ७३०६ नम्बरको मोटरसाइकललाई ठक्कर दिँदा मोटरसाइकलमा आगलागी भएको थियो । मोटरसाइकलमा आगो लाग्दा चालकको मृत्यु भएको प्रहरीले जनाएको छ ।

घटनाबारे थप अनुसन्धान भइरहेको प्रहरीको भनाइ छ ।