सेनाको अधिकृत हुँ भन्दै ठगी गर्ने भक्तपुर बस्ने राजु कार्की पक्राउ

काठमाडौं । नेपाली सेनाको अधिकृत हुँ भन्दै ठगी गर्ने एक जना पक्राउ परेका छन् । पक्राउ पर्नेमा रामेछापको मन्थली घर भई हाल भक्तपुर बस्दै आएका ३० वर्षीय राजु कार्की रहेका छन् ।

उनले आफू नेपाली सेनाको अधिकृत रहेको भन्दै सुनका गरगहना धितो राखी रकम दिन भनी आफूसँग भएको जग्गा जमिन नामसारी गर्दिन्छु भन्दै तिन लाख ठगी गरेको प्रहरीले जनाएको छ ।

उनीमाथि थप अनुसन्धान तथा कारबाहीका लागि जिल्ला प्रहरी परिसर ललितपुर पठाइएको प्रहरीले जनाएको छ ।